NITASHINDA BWANA

CHORUS
Nitashinda Bwana, nitashinda,
Kama Wewe pia ulishinda,
Nitapitia mapitioni Mwako,
Nimeanza Bwana nitashinda.

Tazameni kule Kalvari,
Mwokozi aliteswa kwa dhambi,
Akazikwa kule kaburini
Mwisho alitoka kwa ushindi.

Njia mbovu zote nimeacha,
Nitapitia ile nyembamba
Waliyopitia Elija na Musa
Walianza, Bwana wakashinda.

Kuamini neno lake Mungu,
Kutii mafunzo Yake yote
Tutanyakuliwa Naye mwisho
Tumeanza Bwana tutatii.

Tutashinda Bwana tutashinda
Kama Wewe pia ulishinda
Tutapitia mapitioni Mwako
Tumeanza Bwana tutashinda.

Sabato ya mwisho tutaimba
Tukiagana na dunia mbaya,
Tukitazamia ile mpya
Tumeanza Bwana, tutashinda.